*🐙අරුම පුදුම🐙*

සත්ව ලොව අරුම පුදුම ගති පෙන්වන සතුන් 10 ක්

අපේ සත්ව ලෝකයේ නොයෙකුත් පුදුමාකාර දේ බොහෝමයක් තියෙනවා.අද ලිපිය වෙන්වෙන්නේ ඒ සත්ව ලෝකේ පුදුමාකාර අරුම පුදුම තොරතුරු ටිකක් වෙනුවෙන්.


01.මීයන්ගේ බෝවිමේ වේගය ඇසුවොත් ඔබට අදහන්නත් බැරි වේවි.මීයන් දෙදෙනෙකුට හැකියි මාස 18 ක් වැනි කෙටි කාලයක් තුල දසලක්ෂයක් තරම් මී පරපුරක් බිහිකරන්න.

02.වැඩිම ශබ්දයක් පිට කරන්න පුළුවන් යැයි සලකන්නේ නිල් තල්මසාටයි.සංඛ්‍යාත්මක දත්ත වලට අනුව නිල් තල්මසකුගේ ශබ්දය ඩෙසිබල් 188ක්..ඒ ශබ්දය කොතරම් ප්‍රබලද කීවොත් කිලෝමීටර් 800 පමණ දුරට ඇසෙනවා.

03.අශ්වයන් සහ ගවයන් නිදා ගන්නේ හිටගෙනමයි.ඔවුන් බිම හාන්සි වෙලා නිදා ගන්නවා ඔබ දැක තිබෙනවාද ?

04.ආක්ටික් සාග‍රයේ ජීවත් වෙන යෝධ ජෙලිෆිෂ් මත්ස්‍යකුගේ අඩු මීටර් 36 තරම් දිගු බව ඔබ දන්නවාද ?

05.ලෝකට්ස් නම් කෘමියා තණකොල පෙත්තාගේ පවුලට අයිති තවත් සතෙක්.ඔවුන් වැඩිපුර දිවිගෙවන්නේ ද.අප්‍රිකාව ඉන්දියාව ඕස්ට්‍රෙලියාව වගේ රටවල.ලෝකට්ස් සත්වයාගේ මාංශපේෂියක ශක්තිය ගැන ඇහුවොත් ඔබ පුදුමයෙනුත් පුදුමයට පත්වේවි.උගේ කකුලේ මාංශපේශියක ශක්තිය මිනිසාගේ කකුලේ මාංශපේශීයක මෙන් දහස් ගුණයකින් වැඩියි.

06.හමිං බර්ඩ් එහෙම නැත්නම් පැණිකුරුල්ලා කෙතරම් වේගවත් ඒ කියන්නේ කඩිසරද කිවොත් ඌට පිටුපසට වුවද පියාසර කරන්න පුළුවන්.

07.රයිනෝගේ අග සෑදි තිබෙන්නේ ඉතාඝනව හා එකට බැදුණු ලොම් වලින් මිස අස්ථියකින් නොවෙයි.

08.මිනිසුන්ට වගේ නොවෙයි බැටලුවන්ට ආමාශ 4 ක් තිබෙනවා ඒ හැම එකකින්ම ආහාර දිරවන්න පුළුවන්.

09.මී මැස්සන් මදුරුවන් රැහැයියන් වගේ උන්ගේ හඩ පිට කරන්නේ උන්ගේ පිහාටු වේගයෙන් චලනය වීම නිසා

10.සර්පයෙක් ඇස් වසාගෙන සිටියත් ඌට ඇස් අස්සෙන් පේනවා... (උපුටා ගැනීමකි)
         
                          #සචී#

💧පොඩි ළමයෝ මොටදෝ ඇඬුවේ..💧

🌸සමනලයා මල හා ලමයා සේ.....💤

සමහර අය හිතන් ඉන්නෙ මෙක පොඩි ලමය්න්ගෙ සින්දුවක් කියල. සිරාවටම පොඩි කාලෙ මමත් හිතන් හිටියෙ එහෙමය්. ඒත් මේ සින්දුවට වෙනම අර්තයක් තියෙනව....

සමනලයා මල හා ලමයා සේ...
බාල ලමා වයසේ...
පෙර තිදෙනා සිටියෙ එක යායෙ...
ජිවිතයෙ අරුනේ....

මේ සින්දුවෙ මල උපමා කරල තියෙන්නෙ ලස්සන ගෑනු ලමයෙකුට. එ ගෑනු ලමයට අත්තටම ආදරෙ කරන පිරිමි ලමයෙක් ඉදලා. එ කෙනාව තම උපමා කරල තියෙන්නෙ ලමයට. ඒත් අවාසනවකට මේ ගෑනු ලමය එ පිරිමි ලමයට කැමති වෙලා නෑ. එයා කැමති වෙලා තියෙන්නෙ වෙන කොල්ලෙක්ට. එ අනිත් පිරිමි ලමයව තමා සමනලයට උපමා කරල තියෙන්නෙ. ඒත් අවාසනවකට එ පිරිමි ලමයා මෙ ගෑනු ලමයට ඇත්තටම ආදරෙ කරනෙ නෑ.

මේ පිරිමි ලමයා තමන්ට ඔන ආශාවන් කරගෙන අර ගෑනු ලමයව අතාරිනවා.. මෙ හැම දෙයක්ම ඩැන ගන්න ලැබෙනවා අර කලින් කීව, මෙ ගෑනු ලමයට ඇත්තටම ආදරෙ කරපු පිරිමි ලමයට. ඒත් එයා කිසිම දෙයක් දන්නෙ නෑ වගෙ ඉන්නව. මොකද තමන්ව එපා කීව කෙනෙක්ව ජිවිතෙට ලන් කරගන බරි හන්දා. ඒ ටික තම ඊලග පෙලි වලින් කියවෙන්නෙ.

'මලට වසා පැනි බි රිසි සේමා
සමනලයා පියබු දවසේ
එ මල ගාවා අර පොඩි ලමයා
ඩෑස වසා සිටියා..'

මෙ ගෑනු ලමයා කැමති නෑ කියපු දවසෙ මෙ පිරිමි ලමයා ගොඩාක් දුක් උනා. ඒ මෙ පිරිමි ලයමය ගෑනු ලමයට අත්තටම ආදරෙ නිසා. ඒත් එ දුක අර ගෑනු ලමයට එදා දනුනෙ නෑ. ඒත් අවාසනාවකට අද මොකද සිද්ද වෙලා තියෙන්නෙ. මේ ගෑනු ලමයටත් නොදැනිම එයාගෙ ජිවිතෙ විනාස වෙලා. එයා ආදරෙ කරපු කෙනා, එයාව තනි කරල එයාගෙන් ගොඩක් දුර ගිහින් ඉවරය්. මෙ ටික තමා සින්දුවෙ අන්තිම පේලි වලින් කිය වෙන්නේ..

'මලට නොවේ දැනුනෙ දුක කාගෙ
පොඩි ලමයො මොටදො ඇඩුවේ
ඒ මල නොදනි ඒ මල පරවේ
සමනලයා කොතනේ'....

                    #සචී#

❤️ වෙනවද මගේ අහස..❤️

නිමක් නැති අහස මත....
          ලියු කවි රස කර.......
මුවින් නොදොඩා මට....
          පෙම් කරන රන් කඳ....

ප්‍රේමයෙන් වෙලා හද.......
          දෑස් දෙස බලාගෙන.....
මැවු සුන්දර ලොව.....
          ඉමක් නැත සිතක් තුල....

හුරතල් වෙන්න ලඟ....
         හැබැහින් නැති පිනට.....
සුසුමක් හද තුලින් ගෙන....
         එවන්න ද නුඹට
ඉන්නම් බලා මම...
           වෙනතුරා මගේ නුබ...
මුවින් මම නොකීවට...
           නුබ වෙන්න මගේ සද...

මේ විසල් අහස යට...
             කවිකාර හිත එක්ක...
තනි වෙන්න හනි හනික...
             එනවාද මයේ මැනික...

කලා පිරි පුරා සද...
              මෝරනා මහ රෑක...
හැබහින්ම ලග ඉන්න...
              එනු බැරිද රහසේම....

                      #සචී#

මාද ප්‍රිය කරමි.....!!!❤️✌️

✨හුදකලාව✨

තනියම ඉන්න වෙලාවට අපිට මොනතරම් නම් දේවල් හිතෙනවද? ඒ වගේ වෙලාවට තමයි හිතෙන්නේ හුදකලාව කොයිතරම් නම් සොදුරුද කියලා. කවියෝ ගීත රචකයෝ හුදකලාව තුලින් ඔවුන්ගේ නිර්මාණ වලට ජීවය එක් කරද්දි සිත්තරාවන් තමන්ගේ සිතුවමට ෆැන්ටසිය එක් කරගන්නවා. මොකද හුදකලාව ඉද්දි රියැලිටියෙන් මිදෙන්න හරි ලේසියි.

මේ සියල්ලටම වඩා අදරේ අහිමි වූවන් (බොහෝ විට මේ අයට කියන්නේ පරාජිත පෙම්වතුන් ඒත් ඇත්තටම පරාජය වන්නේ ඔවුන්ද ඔවුන්ගේ ආදරය අහිමි කර ගන්නා කෙනාද කියන එක ගැටලුවක්. ඒ නිසා මම ඒ වචනය භාවිත නොකර සිටින්නම්.) තමන්ව දාර්ශනිකයෙක් කර ගන්න මේ හුදකලාව යොදා ගන්නව. උන් ඒක කරන්නේ ෆැන්ටසියෙන් අයින් වෙලා ඇත්ත තේරුම් අරගෙන.

තවත් සමහරෙක්ට හුදකලාව හොද ශක්තිමත් අත්වැලක් වෙනවා ඔවු‍න්ගේ ජීවිතය ජය ගන්න.සෑම සාර්ථක මිනිසෙක් පිටුපසම ගැහැනියක් සිටී කියල කීවට හුදකලාවම ජීවිතය ජය ගත්ත මිනිසුන්ට ඒ කියමන අදාල නෑ නේද?

හොදම උදාහරණය බුදු හිමියන් බුදු බව ලබද්දී
ඒ කියන්නේ මේ පොලෝ තලයේ පමණක් නෙමේ මේ තුන් ලොවේම සිටින ඕනෑම ජීවියෙක්ට ලැබිය හැකි උතුම්ම සාර්ථකත්වය බුදු හිමියන් ලබද්දී උන් වහන්සේ එක්ක කිසම කෙනෙක් හිටියේ නෑ නේද?

හුදකලාව
ඊලග දේ කලා කරල හුදකලා වෙමුද ? හරිම ජනප්‍රිය කථාවක්. ඒ කතාව ජනප්‍රිය ද නැද්ද යන්න කෙසේ වෙතත් හරි ප්‍රසිද්ධ කථාවක්. ඇත්තටම අපි කලා ‍ක‍ලොත් හුදකලා වෙයිද? ජීවිතය හුදකලා වෙච්ච හැම එකාම කලා කරපු උන්මද ? ඔවුන් ප්‍රසිද්ධ සමාජය තුල හුදකලා වනවා වන්න පුලුවන්.(මූල්‍ය තත්වය වැනි දේ) ඒත් ආදරය සෙනෙහස වගේ කාරණා වලදි උන් හුදකලා වෙනවාද කියන එක තව දුරටත් සිතිය යුතුයි නේද ? එහෙම කියන්නේ මම කලා කාරයෙක් නිසා නෙමේ.(මම යාන්ත්‍රික විෂයන් සමග දිවි ගෙවන කෙනෙක්.) යාන්ත්‍රික විෂය පථයන් එක්ක මොලෙත් ටෙක්නික් කර ගන්න යන්ත්‍ර වගේ දිවි ගෙවන කෙල්ලන්ට කොල්ලන්ට වඩා උන්ට ආදරය සෙනෙහස වැටහෙනවා නේද ?

අයෙත් හුදකලාව
ලෝකයේ තියෙන විදින්න හොදම දේ හුදකලාව...... ඒ අදරේ අහිමි වූවන් (සමාජයට අනුව පරාජිත පෙම්වතුන්) විදින සතුට. ඒත් ගැටලුව උන් ඕක විදිනවද නැත්නම් විදවනවද කියන එකයි. ගොඩක් උන් කරන්නේ ආදරේ නැති උනාට පස්සේ තනිවෙලා තමන්ගේ අතීතය මතක් කරගෙන විදවන එක. හැබැයි අපේ උන් ඒකට දා ගන්න පාට් එක තමා ලෝකයේ තියෙන විදින්න හොදම දේ හුදකලාව කියන එක.....

හැබැයි ඉර බැහැගෙන යන වෙලාවක මූදු වෙරලක හරි වැව් තාවුල්ලක හරි විදින හුදකලාවේ පොඩ් ආතල් එකක් නැත්තෙමත් නෑ. ගොම්මන් වෙන වෙලාවට නුවර වැව ලග මාළිගාවේ තේවා හඩත් එක්ක තනියම ඉද්දි තනිකම විදින්න පුලුවන් කියන එකත් ඇත්තක් කියලත් හිතෙනවා.


කොහොම උනත් තනිකම විදින විදවන හුදකලාව විදින විදවනහැම එකාටම මේ විදියට අයුබොවන් කියනවා තනිමන්සලට....................
නැත්නම් තනිවුනුසිතුවිලි වලට....

                #සචී#

✨ඔබත් කාන්තාවක්ද ?? එහෙනම් කියවන්න ඇන්ජලිනා ජොලී..✨

අමෙරිකානු සිනමා කර්මාන්ත කලාපයක් ලෙස සුප්‍රකට හොලිවුඩයේ කලා සගරාවක් වන ‘ද හොලිවුඞ් රිපෝටර්’ කලා ක්ෂේත‍්‍රයේ සිටින කාන්තාවන් වෙනුවෙන්  වාර්ෂිකව පවත්වන සිය උදෑසන භෝජන සංග‍්‍රහය අවස්ථාවේ කතාවක් පැවැත්වීමට ඇන්ජලීනා ජොලීට ආරාධනා ලැබිණි. එම අවස්ථාවේ රැස්ව සිටි පිරිස කම්පනයට පත්කරමින් ඉදිරිපත් කළ කතාව තුළ ලොවපුරා මූලික අයිතිවාසිකම් සහ නිදහස අහිමිව සිටින කාන්තාවන් වෙනුවෙන් හඩ නැගීමට ඇය සමත් වූවාය. එසේම කලාකාරිනියක වීමේ වැදගත්කම සහ කාන්තාවන් පීඩිතභාවයෙන් ගලවා ගැනීමට එම තත්වය යොදාගත හැකි ආකාරය ගැනද ඇය ඒහිදී  අදහස් දැක්වූවාය.

‘‘මේ ශාලාවේ රැස්ව සිටින අපට, ෙලාව පුරා පීඩාවට පත්ව සිටින කාන්තාවන්ට උදව් කිරීමේ හැකියාව තිබෙනවා. ඒ කාන්තාවන්ගේ හඩ ලොවට ඇසෙන බව සහතික කිරීමට කලාකරුවන් වන අපට පුළුවනි’’ යැයි ද ජොලී කීවාය. ‘‘ඔවුන්ට අප සහයෝගීතාව දැක්විය යුතුවාක් ෙමන්ම ඔවුන්ගේ හඩ නගන්න ඒ් අයගේ කතාව පැවැසීමට ඉඩ ලබාදීම වෙනුවෙන් පෙනී සිටිය යුතුයි’’.

තම හඩ සහ මතවාදය ලොවට හඩගා කීමට නොහැකි කාන්තාවන් ලොවපුරා සිටින බව සහ සීමා කිරීම් හෝ දඩුවමට ඇති බිය නිසා තම නිර්මාණශීලී හැකියාව ඉදිරිපත් කිරීමට නොහැකි වන අය කෙතරම් සිටීදැයි ඇය ඇසුවාය. අද වනවිට බටහිර සමාජයේ කාන්තාවන්ට  හිමි වී තිබෙන සාෙප්ක්ෂ නිදහස වෙනුවට සත්‍ය නිදහස උදාකිරීම වෙනුවෙන් සටන් කරන ‘කාන්තාවන්, කලාකරුවන්, ජනමාධ්‍යවේදීන්, මානව හිමිකම් ක‍්‍රියාකාරීන් අැතුළු සමාජ ක්‍රියාකාරීන්’ අගය කරමින් ඇය කතාව අවසන් කළාය.

ඇයගේ සම්පූර්ණ කතාව පහත දැක්වේ:

“දැන් මෙහි රැස්ව සිටින බොහෝ දෙනා අද උදය වරුවේ නිවසේ දී උදෑසන ආහාරය පිළියෙළ කිරීමට හෝ ඇහුම්කන් දෙමින් අවසාන මොහොතේ නිවසේ වැඩ කටයුතු කරමින් හෝ දත් මැදීමේ වැදගත්කම ගැන කරුණු ඉදිරිපත් කිරීමට හෝ යොදවන්නට ඇතැයි කියා මම විශ්වාස කරනවා. මෙම අවස්ථාවට සහභාගි වන්නට යාමට සූදානම් විය යුතු යැයි ඔබ පැවසූ විට ‘ඇයි ඉතින් ඔයා දැන්ම යන්නේ නැත්තේ’ කියලා ඒවුන් කියන්නත් අැති. ඊළගට ‘ඔබට හරිම වෙහෙස පාටයි’ කියලා ඔවුන් පවසන විට ඒක හරි යැයි ඔබටත් හිතෙන්න පුළුවනි.

ඒත් කාන්තාවකට ජීවිතය එහෙම තමයි. තමන්ට කලින් අනිත් අය ගැන සිතීම තමයි අපගේ ස්වභාවය. අද උදෑසන මගේ දරුවන් මගෙන් විමසන විට මම ඔවුන්ට කියා දුන්නා මම මෙතැනට පැමිණිය යුතු වන්නේ ඇයි කියා. අනිත් කාන්තාවන් සමග ඉදිමින් මේ කාන්තාවන් සහ කලාවේ නිරත කාන්තාවන් ගැන කතා කළ යුත්තේ ඇයි කියා. මෙහි සිටින අප හැමදෙනා වෙනස් පුද්ගලයන්, ඒත් අප සැමට පොදු එක් රැඩිකල් ලක්ෂණයක් පවතිනවා. අපට කලාකාරිනියන් වීමට නිදහස තිබෙනවා. නිර්මාණ කිරීමේ නිදහස, නොබියව බලධාරීන්ට අභියෝග කිරීමේ අයිතිය, බලය ඇති තැන් උපහාසයට ලක් කොට සිනාසීම සහ අන් අය අප සමග සිනාසීමට එක්කර ගැනීමටත් අපට අවස්ථාව තිබෙනවා. එය අප දකින පරිදි සත්‍යය කතා කිරීමට ඇති අයිතියයි. අප ජීවත් වන සමාජයේ අපගේ ජීවිතවලට සමීප කාන්තාවන්ට පවුලේ කටයුතුවලට මුල්තැන දියයුතු නිසා නිර්මාණාත්මක කටයුතුවල නිරත වීම සීමා වී පවතින බව අප දැක තිබෙනවා. ඒ අය ගෙදර දොරේ වැඩ කටයුතුවලදී සහ උපන්දින සාදවලදී ඒ නිර්මාණශීලීත්වය ඉදිරිපත් කරනවා. මට සිහිපත් වෙනවා මගේම අම්මා ගැන.

එසේම අපගේ කර්මාන්තයේ විවිධත්වය සහ සමානාත්මතාව අවම බව අප දන්නා කරුණක්. ඒ නිසා අප, සටන් කර වෙනස් කළයුතු බොහෝ දේ තිබෙනවා. එහෙත් ලොව වාසය කරන මිලියන ගණන් අනිකුත් කාන්තාවන් පිරිසකට අප විදින ආකාරයේ නිදහසක් හිමි වන්නේ නැහැ. යුද ගැටුම් සහ ත‍්‍රස්තවාදය සහ අවතැන් වීම සහ දුප්පත්කම සමග ජීවත් වන කාන්තාවන්ට එවැනි අවස්ථාවක් ගැන සිතාගන්නටවත් බැහැ. ඒ අයගේ හඩවල් නිසැකවම යටපත් කරනු ලබනවා. අප මේවා නොදැක්කා සේ සිටිය යුතු නැහැ. අප හදන චිත‍්‍රපට නිසා හෝ දේශපාලනය ගැන සිදුකරන විවේචන නිසා හෝ වේදිකාවේ සිදුකරන උපහාසාත්මක කතා නිසා සිරගත කර, වදහිංසා සිදුකිරීම් සහ දඩුවම් ලබාදීම්වලට අප ලක්වන්නේ නැහැ. අපට රැගුම් පාලනය සමග ජීවත් වීමට සිදුවන්නේ නැහැ. නාට්‍යයක රගපෑම හෝ රූපවාහිනියේ ගීතයක් ගැයීම හෝ ප‍්‍රචණ්ඩත්වයට ලක්වීමට හෝ පවුල වෙත අවනම්බුවක් ඇති කිරීමට හෝ හේතු වන්නේ නැහැ. අපගේ ඇදුම් හෝ අදහස් ආගමික බලධාරීන්ගේ හෝ ප‍්‍රචණ්ඩකාරී අන්තවාදී කණ්ඩායම්වලට අවශ්‍ය ලෙසට වෙනස් කිරීමට අපට අවශය වන්නේ නැහැ. සමාජයේ වැරැදි යැයි අපට පෙනෙන දෙයක් ගැන අපගේ මනසේ ඇති අදහස් ප‍්‍රකාශ කිරීමට ඉඩ ලැබෙන නිසා කාන්තාවන් වශයෙන් දුරාචාරයේ යෙදෙනවා කියා හෝ කොන් වී සිටීමට අපට සිදු වන්නේ නැහැ.

අපට නිදහසේ සිතීමට සහ නිදහසේ කතා කිරීමට සහ සමානාත්මතා පදනමින් අපගේ අදහස් ප‍්‍රකාශ කිරීමට ඉඩ ලැබී තිබෙනවා. එහෙත් හුදෙක්ම හඩක් නැගූ පමණින්ම, අදහසක් ප‍්‍රකාශ කළ පමණින්ම ලොවපුරා සිටින කාන්තාවන් විශාල සංඛ්‍යාවක් බරපතල අනතුරුවලට ලක් වන හෝ හිංසාවට ලක් වන අවස්ථා බහුලව පවතිනවා. මේ තත්ත්වය තවමත් පවතින නිසා අපගේ දියුණුවක් සිදුවී ඇතැයි සතුටු විය නොහැකියි. එහෙත් එහි අදහස කලාකාරිණියන් වශයෙන් අප ලොව ඉතාම වැදගත් මේ කරුණු වෙනුවෙන් පෙනීසිටීමයි. කලා සහ සංස්කෘතික කටයුතු සදහා සහභාගී වීම සමාජයේ කිහිපදෙනකුට පමණක් සීමා වූ අති සුඛෝපභෝගී කටයුත්තක් නොවේ. එය එක්සත් ජාතීන්ගේ මානව අයිතිවාසිකම් පිළිබද විශ්ව ප‍්‍රකාශයේ ද කෙටුම්පත් කර ඇති මූලික මිනිස් අයිතිවාසිකමකි. සෑම කාන්තාවකටම දේශපාලන වශයෙන් මෙන්ම අදහස් ප‍්‍රකාශ කිරීම ද ඇතුළත්ව, තම ජීවිතය නිවහල්ව සහ සුරක්ෂිත ලෙස ජීවත් වීමට අයිතියක් මෙන්ම පරිපූර්ණ ලෙස ගත කිරීමට සහ පරිපූර්ණ ලෙස අදහස් ප‍්‍රකාශ කිරීමට අයිතියක් ඇත. එහෙත් ඒ අයිතිය ඉතා බලවත් නිසා නිරන්තරයෙන්ම කාන්තාවන්ට එය අහිමි වේ.

කලාවෙන් බලපෑමක් සිදුකළ හැකි අතර එයින් පරිකල්පනය අවදි වෙනවා. එය ගතානුගතික මතවාදයන්ට සහ කාන්තාවන්ගේ අදහස් ප‍්‍රකාශ කිරීමේ නිදහස සීමා කර ඇති සමාජවලට අභියෝගයන් සිදු කරනවා. එවැනි සමාජ පරිණාමනය වන්නේ කාන්තාවන්ගේ හඩ, බලපෑම සහ බුද්ධි මහිමය නොමැතිවයි. මා මේ ප‍්‍රජාවේ සහ ලෝකයේ කලාකරුවන්ගේ පුළුල් සමාජයේ කොටස්කාරියක වීම ගැන සතුටු වන්නේ ඒ නිසායි. අද දවස ඔබ සමග ගත කිරීමට ලැබීම ගැන මට හරිම සතුටුයි, එසේම අපි එක්වී අපගේ අයිතිවාසිකම් වෙනුවෙන් නැගී සිටීමෙන් ඔබ්බට ගොස් සමස්ත කාන්තාවන්ගේම අයිතිවාසිකම් වෙනුවෙන් නැගී සිටිමු. මේ ශාලාව ඇතුළේ සිටින අපට මේ කාන්තාවන්ට උදව් කළ හැකියි. මේ කාන්තාවන්ගේ හඩ ඇසෙන්නට සැලැස්වීමට කලාකරුවන් වන අප සටන් කරමු. ඔවුන්ට සහයෝගීතාවය පළ කරමු. ඔවුන් වෙනුවෙන් ප‍්‍රචාරණයේ යෙදෙමු. ඔවුන්ගේ කතා කීමට අපගේ උදව් ලබාදෙමු. මෙම කාර්යය සදහා මෙහි සිටින වැඩිදෙනා, ඇත්තෙන්ම සියලූමදෙනා සමග අත්වැල් බැදගෙන ඉදිරියේදී කටයුතු කිරීමට මම බලාපොරොත්තු වෙනවා.

මම පැමිණි සහ අසා සිටි ඔබට ස්තුති පුදනවා. අපට එකතු වී මෙසේ කතාබහ කිරීමට මෙම අවස්ථාව සංවිධානය කිරීම ගැන ‘හොලිවුඩ් රිපෝටර්’ සගරාව වෙත මාගේ ප‍්‍රණාමය පුදකරනවා. එසේම වසර ගණනාවක් එකට වැඩ කළ අපූරු කලාකාරිනියන් ගෙන් බොහෝ දේ ඉගෙන ගත් අතර ඒ අයටත් ස්තුතිය පුදන්න මට අවශ්‍යයි. එසේම අපගේ ජීවිතය අද සිටින ස්ථානයට ගෙන ඒමට තම ජීවිත කාලය මුළුල්ලේම කටයුතු කළ සියලූම කාන්තාවන්ට මම මගේ ප‍්‍රණාමය පුද කරනවා. තර්ජනයට යට නොවූ ලොවපුරා සිටින කාන්තාවන්, ජනමාධ්‍යවේදීන්, මානව හිමිකම් ක‍්‍රියාකාරීන්, සහ නීතිඥයන්ට මේ සියල්ලටම ඉහළින් මගේ ප‍්‍රණාමය පුද කරනවා. නිර්භීත මිනිසුන් සටන් කරන විට අද අප විදින නිදහස එක්තරා දිනයකදී ඔවුන්ටත් හිමිවේවි. ඒ නිසා මම ඔබ සමග සිටීමට හැකි වීම ගැන ඉමහත් සතුටට පත් වෙනවා.  (උපුටා ගැනීමකි)  

                  #සචී#